նախընտրելի դարձնել
Առաջիկայում «Նաիրիտ» գործարանի համար լուծում կգտնվի: Այս մասին հունիսի 22-ին ՀՀ Ազգային ժողովում հայտարարեց Էներգետիկայի եւ բնական պաշարների փոխնախարար Արեգ Գալստյանը:
«Դրա համար անհրաժեշտ աղբյուրները, կարծես, արդեն գտնվել են, եւ կարծում եմ, որ Կառավարության մտադրությունները կիրականանան»,- հայտարարեց փոխնախարարը:
Նրա խոսքով, «Նաիրիտ»-ը պետության համար մի շարք խնդիրներ է ստեղծել, քանի որ աշխատակիցների աշխատավարձերի պարտքերը վճարվում էին պետական էներգետիկ ընկերությունների շահույթից:
Նշենք, որ վերջին տարվա ընթացքում գործարանի հուսահատ աշխատակիցները բազմաթիվ ցույցեր են անցկացրել խորհրդարանի, կառավարության եւ նախագահական առջեւ:
Հիշեցնենք, որ 2006թ. պետությունը «Նաիրիտ»-ի բաժնեմասերի 90%-ը 40 մլն դոլարով վաճառել էր բրիտանական Rhinoville Property Limited կոնսորցիումին։ ԱՊՀ Միջպետական բանկը 2006-ին Rhinoville Property Limited ընկերության համար 70 միլիոն դոլարի բանկային գիծ էր բացել, որը ընկերությունը չէր փակել։ Մոսկվայի արբիտրաժային դատարանը 2014թ. հունվարին բավարարել էր Միջպետական բանկի մասին հայցը` հայկական «Նաիրիտ» գործարանի սեփականատիրոջից պարտքեր դիմաց 90% բաժնեմասերը բռնագրավելու հայցը։ Մնացած 10%-ը պատկանում է Հայաստանի կառավարությանը։
