նախընտրելի դարձնել
Beeline-ը շարունակում է Հայաստանի մարզերում ԱՀԿ-ների եւ բաժանորդային գծերի թվայնացման աշխատանքները: Մասնավորապես, 2015թ.-ի հուլիս ամսից շարունակվում են ֆիքսված կապի թվայնացման, հեռախոսակայանի ընդլայնման, գործող բաժանորդային հեռախոսագծերի մասնակի վերամիացման աշխատանքները Տավուշի մարզի Իջեւան քաղաքում։
Թվայնացման աշխատանքների ավարտից հետո, որը նախատեսվում է մինչեւ ս.թ. հոկտեմբերի 15-ը, Տավուշի մարզի Իջեւան քաղաքի բնակիչներին հասանելի կլինի նոր որակի թվային ֆիքսված կապ: Ենթակառուցվածքների թվայնացման աշխատանքների արդյունքում կիրականացվեն սարքավորումների փոխարինման եւ վերազինման աշխատանքներ, իսկ բաժանորդային գծերը կվերամիացվեն նոր թվային կայանին՝ հին հեռախոսահամարները փոխարինելով նոր հեռախոսահամարներով:
«Beeline-ը շարունակում է ենթակառուցվածքի թվայնացման աշխատանքները բաժանորդներին պարզ, հարմար եւ բարձրորակ կապի ծառայություններ ապահովելու նպատակով: 2015թ.-ի ընթացքում մենք զգալիորեն ընդլայնել ենք ֆիքսված կապի թվայնացման աշխարհագրությունը, որի շարունակական բնույթը մեր որակյալ եւ մատչելի կապը հասանելի է դարձնում Հայաստանի բոլոր մարզերի մեր բաժանորդներին»,- նշեց Հայաստանում Beeline-ի Գլխավոր տնօրեն Անդրեյ Պյատախինը:
Նշենք, որ 2014թ.-ի ընթացքում Beeline-ը թվայնացրել է Հայաստանի 16 բնակավայրերի հեռախոսային ցանցը, մոնտաժել է ավելի քան 3500 հեռախոսագիծ եւ լայնաշերտ ինտերնետի ծառայությունների ավելի քան 1000 նոր պորտ: Ընկերության ձեռքբերումներից է նաեւ ֆիքսված հեռախոսակապի ծառայության սակագների նշանակալի նվազեցումը:
