նախընտրելի դարձնել
Աֆղանստանի նախագահ Աշրաֆ Գանին հինգշաբթի պաշտոնից ազատել է Աֆղանստանի Ազգային անվտանգության դիրեկտորատի մի շարք աշխատակիցների, որոնք «թերացել են Կունդուզ քաղաքը պաշտպանելու իրենց պարտականությունները կատարելու հարցում»: Քաղաքը սեպտեմբերին գրավվել էր «Թալիբան» արմատական շարժման գրոհայինների կողմից, տեղեկացնում է Reutersգործակալությունը:
Աֆղանստանի նախագահի քարտուղարության տվյալներով, Գանին ասել է, որ Աֆղանստանի Ազգային անվտանգության տնօրինության աշխատանքը հաջող չի եղել: Պաշտոնից ազատվածների թվում է տեսչության շրջանային ղեկավարներից մեկը:
«Ես հրամանագիր եմ ստորագրել ԱԱԴ-ի այն բոլոր աշխատակիցների պաշտոնից ազատման վերաբերյալ, որոնք թերանում են իրենց պարտականությունների կատարման հարցում», — ասել է Գանին, տեղեկացնում է «ՌԻԱ Նովոստին»:
Գանին ճշգրիտ չի նշել, թե հատուկ ծառայությունների քանի աշխատակից է պաշտոնանկ արվելու, սակայն ասել է, որ նրանցից որոշները կհեռացվեն աշխատանքից, իսկ ոմանք էլ պատասխանատվության կկանչվեն ռազմական օրենսգրքին համապատասխան:
