նախընտրելի դարձնելՈւեսլի մականունով «ծովահեն-կատուն» ինստագրամի ծագող աստղ է դարձել: Ինչպես տեղեկացնում է Daily Mail-ը, միաչքանի Ուեսլին օթեւանում մի քանի ամիս է անցկացրել, որովհետեւ ոչ ոք չէր ուզում վերցնել նրան: Սակայն կատվին հաջողվել է Այովայում սիրող տիրուհի գտնել եւ նվաճել համացանցը:
«Ծովահենի» տիրուհուն Ռիենն Չարիս Թեյլոր են կոչում, նա iPhone Life Magazine-ի խմբագրի օգնականն է: Թեյլորը ընտանի կենդանու համար ինստագրամի հաշիվ է բացել եւ ամեն օր այնտեղ հրապարակում է Ուեսլիի լուսանկարները: Ամերիկուհին ասել է, որ իրեն դուր է գալիս կատվի բացառիկ արտաքինը եւ կարծում է, որ ուրիշներն էլ Ուեսլիի մեջ նույն բանը կզգան: «Ինձ ցնցեց բաժանորդների այն թիվը, որ Ուեսլիի հաշիվը հավաքեց ընդամենը 15 շաբաթում, նա անհամեմատ ավելի շատ բաժանորդ ունի, քան ես», – տեղեկացրել է Թեյլորը, գրում է Gazeta-ն:
Ամերիկուհին Ուեսլիին առաջին անգամ տեսել է անցյալ աշնանը Noah's Ark Animal Foundation օթեւանում: Այն ժամանակ Թեյլորն անձնական հանգամանքների պատճառով չի կարողացել վերցնել կատվին, բայց վստահ է եղել, որ «ծովահենը» արագ նոր տերեր կգտնի: Մարտին` առաջին հանդիպուից կես տարի անց, ԱՄՆ-ի բնակչուհին վերադարձել է օթեւան` Ուեսլիի մասին տեղեկանալու: Պարզվել է, որ կատուն առաջվա պես Noah's Ark Animal Foundation-ում է: Երկու օրից Թեյլորը «ծովահենին» տուն է տարել:
Ամերիկուհին կատվին Ուեսլի է կոչել «Արքայադուստր-հարսնացուն» վեպի եւ ֆիլմի կերպարներից մեկի պատվին:
