նախընտրելի դարձնել
Մեծ Բրիտանիայի վարչապետ Դեւիդ Քեմերոնը հայտնել է, որ ինքը չի կարողացել ավելի լավ հաղթահարել քննադատությունը, որին ենթարկվել է օֆշորային սկանդալի հետ կապված փաստաթղթերի հրապարակումից հետո եւ հայտնել է, որ «դրանից դասեր կքաղի», հայտնում է Gazeta-ն` վկայակոչելով Reuters-ին:
«Այո, շաբաթն ամենալավը չէր: Ես գիտեմ, որ պիտի ավելի լավ հաղթահարեի դա եւ կարող եմ դա ավելի լավ հաղթահարել: Ես գիտեմ, որ ամեն ինչից պետք է դասեր քաղել եւ ես կքաղեմ այդ դասերը», — Լոնդոնում Պահպանողական կուսակցության անդամների հետ հանդիպմանը Քեմերոնն այսպես է մեկնաբանել «պանամագեյթից» հետո իրեն ուղղված քննադատությունը:
Ավելի վաղ Դեւիդ Քեմերոնը խոստովանել էր, որ հոր օֆշորային հիմնադրամում մոտավորապես 30 հազար ֆունտի բաժնետոմսեր է ունեցել, մինչեւ վարչապետի պաշտոնում նշանակվելը:
Դեւիդ Քեմերոնը հանրային ճնշման տակ է հայտնվել այն բանից հետո, երբ կիրակի` ապրիլի 3-ին OCCRP-ը լայնածավալ հետազոտություն է հրապարակել օֆշորային գործարքներին քաղաքական գործիչների, մարզիկների եւ մշակույթի գործիչների մասնակցության վերաբերյալ: Քեմերոնի հայրը «պանամագեյթի» մասնակիցների թվում է:
