նախընտրելի դարձնել
Սերբիայի ոստիկանությունը կոռուպցիայի եւ ծառայողական դիրքը չարաշահելու կասկածով 49 մարդ է ձերբակալել, հայտնում է Gazeta-ն` վկայակոչելով Reuters-ին:
Ձերբակալվածների մեջ պաշտոնյաներ եւ պետական ձեռնարկությունների ներկայացուցիչներ կան, այդ թվում նաեւ` ֆինանսների նախարարությունից, հարկային տեսչությունից, փոստային ծառայությունից եւ ոստիկանությունից: Այդ մասին հայտնել է ներքին գործերի նախարար Նեբոյշա Ստեֆանովիչը:
Նշվում է, որ եւս երկու կասկածյալ ազատության մեջ է: 2007-ից ի վեր, կաշառակերների գործունեությունը երկրի բյուջեին մոտ 7,6 մլն եվրո է արժեցել:
Սա այս տարվա ընթացքում երկրորդ խոշոր ձերբակալությունն է: Մարտին ոստիկանությունը համանման գործով 46 մարդ էր ձերբակալել:
Ձերբակալությունները մաս են կազմում այն միջոցառումների, որ իրականացնում է Սերբիան կոռուպցիայի եւ կազմակերպված հանցավորության դեմ պայքարի նպատակով: Սա Եվրամիությանն անդամակցության պայմաններից մեկն է:
