Նախընտրելի
Քուվեյթը նավթագործների գործադուլի ավարտից մի քանի օր անց նավթի արդյունահանումն ավելացրել է մինչեւ 2,9 մլն բարել, հայտնում է «Ինտերֆաքսը»:
Նշվում է, որ նավթային եւ նավթաքիմիական արդյունաբերության աշխատողները վերականգնել են երկրի իշխանությունների հետ բանակցությունները աշխատավարձի վճարման համակարգի բարեփոխման պայմաններում արտոնությունների վերաբերյալ:
Ավելի վաղ հաղորդվել էր, որ նավթագործների արհմիությունը հայտնել է Քուվեյթում նավթային եւ գազային օբյեկտների աշխատողների գործադուլի դադարեցման մասին: Բողոքի հետեւանքով Քուվեյթում նավթի արդյունահանումը կրճատվել է 60 տոկոսով:
Նավթագործների դժգոհության պատճառ են դարձել իշխանությունների` աշխատավարձերի եւ սոցփաթեթի կրճատման պլանները: Բողոքին մի քանի հազար մարդ է մասնակցել:
