Ամերիկյան փոքրիկ Տիմմոնսվիլլ քաղաքում, որը գտնվում է Հարավային Կարոլինայի նահանգում, իշխանությունները նոր տուգանք են մտցրել իջեցված տաբատի համար:  Newsru-ն հայտնում է, որ առաջին անգամ սխալ թույլ տված նորաձեւության սիրահարը զգուշացում կստանա, սակայն եթե տաբատը վեր չբարձրացվի, նրան   100-ից մինչեւ 600 դոլար տուգանք է սպառնում:

Քաղաքապետարանի նոր որոշման մեջ նշվում է, որ իջեցված տաբատներն ի ցույց  են դնում ներքնազգեստը: Ամենայն հավանականությամբ հենց այդ նշանով էլ օրենքի պահապաններն ի հայտ կբերեն խախտողներին: Նշենք, որ հագուստի նման ոճը երկար տարիներ ընդունված էր երիտասարդության շրջանում, որը հիփ-հոփով էր տարված: 

Քաղաքային օրենքի նախագիծը հայտնում է, որ իշխանությունները ցանկանում են իրենց քաղաքի փողոցներին պահպանել պատշաճությունը, որ որոշումը երիտասարդներին կօգնի «ավելի լավ ընտրություն կատարել»: