նախընտրելի դարձնելԱյսօր մեր ուշադրության կենտրոնում հանքարդյունաբերության ոլորտն է: Այս մասին, այսօր՝ նոյեմբերի 16-ին, կենսունակ հանքարդյունաբերության հարցերի շուրջ մեկօրյա բիզնես-համաժողովիօ ժամանակ նշել է Հայաստանում ԱՄՆ դեսպան Ռիչարդ Միլսը:
Դեսպատանից NEWS.am-ին հայտնում են, որ համաժողովը կազմակերպել է Հայաստանում ԱՄՆ դեսպանատունը ՀՀ տնտեսական զարգացման եւ ներդրումների նախարարության, ՀՀ էներգետիկ ենթակառուցվածքների եւ բնական պաշարների նախարարության ու ԷյչԷսԲիՍի բանկի հետ համատեղ:
 |
Նոր տարին նոր բնակարանում՝ սկսած 6% տարեկան տոկոսադրույքով վարկի միջոցով «Երիտասարդ ընտանիքին՝ մատչելի բնակարան» ծրագրի շրջանակներում վարկերը մինչև ս.թ. դեկտեմբերի 30-ը տրամադրվում են սկսած 6% տարեկան տոկոսադրույքով |
Համաժողովի նպատակը կապերի ձեւավորումն էր Հայաստանի հանքարդյունաբերողների ու ամերիկյան հայտնի ընկերությունների միջեւ, որոնք առաջարկում են այնպիսի ապրանքներ ու ծառայություններ, որ մեծացնում են հանքարդյունաբերության արդյունավետությունը, աշխատողների անվտանգությունը եւ օգնում բնապահպանական հարցերում: Համաժողովին մասնակցեցին 7 ամերիկյան առաջատար ընկերությունների եւ 35 հայկական հանքարդյունահանող ընկերությունների ներկայացուցիչներ:
Համաժողովը միտված էր Միացյալ Նահանգների եւ Հայաստանի միջեւ առեւտրային բնույթի հարաբերությունների ամրապնդմանը՝ Հայաստանի հանքարդյունահանողներին ներկայացնելով առաջատար ամերիկյան ընկերություններին, իսկ ամերիկյան ընկերություններին հնարավորություն ընձեռելով ներկայացնել տեխնոլոգիաների ասպարեզում իրենց նորագույն տեսականին:
«Հանքարդյունահանումը, եթե կատարվում է պատասխանատու ու թափանցիկ կերպով եւ միջազգային բնապահպանական ու սոցիալական ամենաբարձր նորմերին համահունչ, կարող է լինել հաջող եւ շահավետ ներդրում Հայաստանի ժողովրդի համար: Կենսունակ հանքարդյունահանումը՝ նորագույն տեխնոլոգիաների ու սարքավորումների կիրառմամբ անվտանգ կլինի անքարդյունաբերության աշխատողների համար ու հնարավորություն կտա ապահովելու Հայաստանի բնության պահպանությունը», - ասաց դեսպան Միլսն իր բացման խոսքում:
Մեկօրյա այս համաժողովի ընթացքում ամերիկյան ընկերությունները կարողացան պատկերացում կազմել ՀՀ կառավարության ու տեղի գործարարների նպատակների ու գերակայությունների մասին, ինչպես նաեւ ծանոթանալ բազմակողմ ֆինանսական հաստատությունների եւ բիզնես դաշտի հիմնական դերակատարների տեսակետներին:
«Այսօր մեր ուշադրության կենտրոնում հանքարդյունաբերության ոլորտն է, քանի որ ինչպես գիտեք, դա Հայաստանի տնտեսության առաջատար ճյուղերից մեկն է, որը զգալի մասնաբաժին ունի երկրի ՀՆԱ-ում եւ արտահանման մեջ: Այս ոլորտն իրական հնարավորություններ ունի Հայաստանի համար, իսկ այդ հնարավորությունները սոսկ թղթի վրա ամրագրված գաղափարներ չեն. կան հաջող անքարդյունաբերությամբ զբաղվող ձեռնարկություններ, որոնք արդեն գործում են եւ ձգտում ընդլայնել իրենց գործունեությունը: Մենք ուզում ենք, որ նրանք աճ ունենան եւ միաժամանակ պահպանվի երկրի բնական գեղեցկությունը, ներդրումներ կատարվեն այն համայնքներում, որտեղ արդյունահանում են իրականացնում, եւ ապահովվի աշխատուժի պաշտպանվածությունը», – ասաց դեսպան Միլսը:
Իրենց ապրանքներն ու ծառայությունները ներկայացնելու համար Հայաստան ներկայացուցիչներ էին գործուղել 7 ամերիկյան կորպորացիաներ՝ Մոդյուլար մայնինգ սիսթեմզ, Ջեներալ էլեքթրիկ, Կատերպիլար/Զեպպելին, ԱյԲիԷմ, Հանիվել, Տեռա սորս գլոբալ եւ Դոու: Մեկօրյա համաժողովի ընթացքում եղան նաեւ զեկուցումներ ՎԶԵԲ-ի Հայաստանյան գրասենյակի, ԷյչԷսԲիՍի բանկի, Լիդիան ինթերնեյշնլի եւ ՀՀ կառավարության պաշտոնյաների կողմից:
