նախընտրելի դարձնելԱչինչ չի կարող ստիպել Արցախի ժողովրդին հետ կանգնել անկախ ու ազատ հայրենիքում ապրելու ձգտումից: Այս մասին այսօր՝ նոյեմբերի 23-ին Սանկտ Պետերբուրգի Տավրիդյան պալատում ՌԴ Պետական Դումայի նախագահ Վյաչեսլավ Վոլոդինի հետ հանդիպման ժամանակ նշել է ՀՀ Աժ փոխնախագահ, Հավաքական անվտանգության պայմանագրի կազմակերպության խորհրդարանական վեհաժողովում ՀՀ ԱԺ պատվիրակության ղեկավար Էդուարդ Շարմազանովը:
ԱԺ-ից NEWS.am-ին հայտնում են, որ շնորհավորելով Վյաչեսլավ Վոլոդինին, ԱԺ փոխնախագահը հույս է հայտնել, որ նրա ղեկավարության տարիներին հայ ռուսական միջխորհրդարանական հարաբերությունները նոր զարգացում կարձանագրեն: Կողմերը կարեւորել են հայ-ռուսական հարաբերությունների դաշնակցային բնույթը, որին նոր որակ հաղորդեց Հայասատանի անդամակցումն Եվրասիական տնտեսական միությանը: Անդրադառնալով հայ-ռուսական միջխորհրդարանական հարաբերություններին, ԱԺ փոխնախագահը նշել է միջազգային հարթակներում խորհրդարանական պատվիրակությունների համակարգված աշխատանքի անհրաժեշտությունը: Հանդիպման ընթացքում կողմերը անդրադարձել են նաեւ տարածաշրջանային խնդիրներին:
Է. Շարմազանովը մասնավորապես նշել է. «Մենք կարեւորում ենք խաղաղության ու կայունության պահպանումը մեր տարաշածրջանում: Չնայած Վիեննայում եւ Սանկտ Պետերբուրգում ձեռք բերված պայմանավորվածություններին, Ադրբեջանն անտեսում է դրանք, իր ապակառուցողական եւ հակահայկական գործողություններով շարունակում է սրել իրավիճակը շփման գծում: Դա անթույլատրելի է: Բոլորը պետք է հասկանան, որ խնդրի խաղաղ կարգավորումն այլընտրանք չունի եւ ոչինչ չի կարող ստիպել Արցախի ժողովրդին հետ կանգնել անկախ ու ազատ հայրենիքում ապրելու ձգտումից»:
