նախընտրելի դարձնելԻսրայելում մի քանի օր շարունակ մոլեգնող հրդեհների հետ կապված 35 մարդ է ձերբակալվել: Ներքին անվտանգության նախարար Հիլադ Էրդանը հայտարարել է, որ մտադիր է օրենսդրական փոփոխությունների հասնել, որը թույլ կտա քանդել հրդեհողների տները, եթե նրանց գործողությունների հետեւանքով այլ մարդկանց տներ են ոչնչացել: Այս մասին հաղորդում է Newsru-Israel-ը:
Նրա խոսքով՝ եթե կարելի է սառը զենքի կամ հրազենի կիրառմամբ ահաբեկչություն իրականացնելու համար տուն քանդել, ապա նման միջոց պետք է կիրառվի նաեւ «կրակի ահաբեկչության» պարագայում:
Ձերբակալվածների մեծ մասը պաղեստինցի արաբներ են, կասկածյալների թվում նաեւ Իսրայելի քաղաքացիներ կան:
Միաժամանակ, տրանսպորտ եւ հետախուզության նախարար Իսրայել Կացն առաջարկել է փոփոխություններ մտցնել, որոնք թույլ կտան առգրավել հրդեհումների մասնակիցների գույքը: Նա նաեւ առաջարկել է ազգային ատելության հողի վրա կանխամտածված հրդեհումներն ահաբեկչություն որակել:
