նախընտրելի դարձնելԱՄՆ ներքին անվտանգության նախարարությունն անարդյունավետ է համարել ԱՄՆ նախագահ Դոնալդ Թրամփի մտցրած մուսուլմանական 7 երկրների քաղաքացիների ԱՄՆ մուտքի արգելքը: Այս մասին հայտնում է BBC-ն:
Սպիտակ տունը ԱՄՆ հատուկ ծառայություններին հանձնարարել էր գնահատել նախագահի ընդունած միջոցները: Աշխատանքի շրջանակում նախարարությունը զեկույց է պատրաստել, որում նշված է, որ «քաղաքացիությունը ահաբեկչական պոտենցիալ ակտիվության հուսալի ինդիկատոր լինել չի կարող»:
Նախարարության մամուլի քարտուղարը պարզաբանել է, որ խոսքը ոչ թե «միջգերատեսչական խորը հետազոտությունների արդյունքներով լիարժեք զեկույցի մասին է, այլ հրապարակային աղբյուրների հիմա վրա կատարված մեկնաբանությունների»:
Նա «անհեթեթ եւ փաստացի սխալ» է համարել այն ենթադրությունը, թե նախարարության եզրակացությունը քաղաքական երանգ ունի:
