նախընտրելի դարձնելԷթիկայի պետական վարչության տնօրեն Ուոլթեր Շաուբը քննադատությն է ենթարկել Սպիտակ տան աշխատակիցներին՝ նախագահի խորհրդական Քելիեն Քոնուեյին կարգապահական պատժի ենթարկելուց հրաժարվելու համար, գրում է The Washington Post-ը: Քոնուեյը ուղիղ եթերում հանդես էր եկել նախագահի դստեր՝ Իվանկա Թրամփի բրենդի հետ կապված հայատարարությամբ՝ կոչ անելով «գնալ եւ գնել Իվանկա Թրամփի բրենդի իրերը»:
Պարբերականը նշում է, որ Շաուբն անցած ամիս կոչ էր արել կարգապահական պատժի ենթարկել Քոնուեյին՝ ուղիղ եթերում նրա այդ կոչի համար:
Սպիտակ տան էթիկայի հարցերով պատասխանատու Ստեֆան Փասանթինոն հայտարարել էր, որ Քոնուեյը դա կանխամտածված չի արել եւ «քիչ հավանական է, որ դա կկրկնի»:
Շաուբը սակայն գրել է Փասանթինոյին՝ կրկին մտահոգություն հայտնելով Քոնուեյի «ոչ ճիշտ դրության» մասին:
«Բարձրաստիճան պաշտոնյայի նկատմամբ կարգապահական միջոցներ կիառելուց հրաժարումը կարող է խաթարել էթիկայի հարցերով ծրագիրը»,-գրել է Շաուբը:
