նախընտրելի դարձնելԹունիսի Նաբուլ քաղաքում գիշերային ակումբներից մեկը փակել են տեսագրության հրապարակումից հետո, որում դիջեյը մահմեդական աղոթքի ռեմիքս տարբերակն է կատարում: Այս մասին հաղորդում է BBC-ն:
Նաբուլի նահանգապետ Մնաուար Ուերտանին տեղեկացրել է, որ ակումբի սեփականատերը ձերբակալվել է՝ «բարոյական նորմերը խախտելու եւ համեստության հրապարակային վիրավորանքի համար»:
Orbit Festival փառատոնի ժամանակ արված տեսագրությունում եվրոպացի երկու դիջեյներ մահմեդական աղոթքի պարային տարբերակ են ներկայացնում, որը հավատացյալներին օրական հինգ անգամ աղոթքի է հրավիրում:
Հոլովակը սոցցանցերում վրդովմունքի ալիք է բարձրացրել, իսկ երկուշաբթի փառատոնի կազմակերպիչները ներողություն են խնդրել Facebook-ում, սակայն նշել են, որ վիրավորական երաժշտություն ներկայացնելու նպատակ չեն ունեցել:
«Ես որեւէ մեկին վիրավորելու նպատակ չեմ ունեցել»,- հայտարարել է սկանդալային կոմպոզիցիան ներկայացրած Dax J դիջեյը:
