նախընտրելի դարձնելՄարի Էլի նախկին ղեկավար Լեոնիդ Մարկելովին 235 մլն ռուբլի կաշառք վերցնելու մեղադրանք է առաջադրվել: Այս մասին ՏԱՍՍ-ին ասել է Մոսկվայի Բասմանի դատարանի մամուլի քարտուղար Յունոնա Ցարեւան:
«Դատարանն ստացել է հեաքննչական մարմինների միջնորդությունը՝ Լ. Մարկելովի նկատմամբ կալանքը որպես խափանման միջոց ընտրելու վերաբերյալ, ով մեղադրվում է ՌԴ ՔՕ 290 հոդվածով: Ամբաստանյալն արդեն գտնվում է դատարանի դահլիճում», - ասել է նա՝ ավելացնելով, որ առաջիկայում կսկսվի միջնորդության քննությունը:
Մարկելովը ձերբակալվել է նախօրեին՝ 235 մլն ռուբլի կաշառք վերցնելու կասկածանքով: Ըստ հատքննչական մարմինների՝ նա կաշառք է վերցրել «Ակաշեւսկայա» թռչնաֆաբրիկայի տնօրեն Նիկոլայ Կրիվաշից՝ հավանավորչության եւ գյուղատնտեսական համալիրի զարգացման համար նախատեսված պետական միջոցների վճարման հարցում աջակցելու համար:
