Ռուսաստանի թենիսի ֆեդերացիայի նախագահ Շամիլ Տարպիշեւի որդի Ամիր ներկայացած երիտասարդը դեկտեմբերի 3-ին անհայտ անձանց հետ ծեծկռտուքի արդյունքում տուժել է։ Այս մասին հայտնում է «ՌԻԱ Նովոստին»:

Մոսկվայի  իրավապահ մարմինների տվյալներով, տղամարդը դիմել է ռեստորանի թիկնապահներին։ Տուժածի խոսքով, անհայտ անձինք փողոցում ծեծի են ենթարկել իրեն։

Նշվում է, որ որպես Ամիր ներկայացած երիտասարդի դեմքը վնասված է եղել, սակայն նա հրաժարվել է, որ իրեն  հիվանդանոց տեղափոխեն։ Երիտասարդը հրաժարվել է նաեւ դեպքի վայր ժամանած ոստիկաններին  ցուցմունքներ տալուց։ Իրավապահ մարմինների աշխատակիցները չեն կարողացել գտնել հանցագործներին։

Շամիլ Տարպիշեւը երկու որդի ունի՝ կրտսերը՝ 16-ամյա Ֆիլիպը եւ ավագը՝ 23-ամյա Ամիրը: