նախընտրելի դարձնել
Նավթի գները հինգշաբթի օրվա դրությամբ նվազում են նախորդ նստաշրջանի արդյունքներով արձանագրված աճից հետո․ ներդրողները գնահատում են Հորմուզի նեղուցում նավագնացության շուրջ ստեղծված իրավիճակը, ինչպես նաև նավթի փոխադրման ծախսերը նվազեցնելու ԱՄՆ-ի ջանքերը:
Լոնդոնի ICE Futures բորսայում Brent տեսակի նավթի դեկտեմբերյան ֆյուչերսների արժեքը կազմում է 104,3 դոլար (մեկ բարելի դիմաց), ինչը 1,76 դոլարով (1,66%-ով) ցածր է նախորդ սակարկությունների փակման ցուցանիշից: Չորեքշաբթի օրը այս պայմանագրերը թանկացել էին 0,37 դոլարով (0,35%-ով)՝ մեկ բարելի դիմաց հասնելով 106,06 դոլարի:
Նյու Յորքի ապրանքային բորսայի (NYMEX) էլեկտրոնային ապրանքային սակարկություններում WTI տեսակի նավթի նոյեմբերյան ֆյուչերսների գինը նվազել է 1,09 դոլարով (1,15%-ով)՝ մեկ բարելի դիմաց հասնելով 94 դոլարի: Նախորդ նստաշրջանի արդյունքներով դրանց արժեքն ավելացել է 0,95 դոլարով (1,01%-ով)՝ մեկ բարելի դիմաց հասնելով 95,09 դոլարի:
