նախընտրելի դարձնելՈւզբեկստանի առաջին նախագահի դստեր՝ Գյուլնարա Քարիմովայի շվեյցարացի փաստաբան, փաստաբանների ժնեւյան կոլեգիայի նախագահ Գրեգուարու Մանժային դեռեւս չի հաջողվել տեղեկություններ ստանալ նրան պահելու վայրի եւ պայմանների մասին կամ նրա հետ կապ հաստատել:
«Ես փորձում եմ այս տեղեկությունները ստանալ: Հույս ունեմ ինչ-որ բան իմանալ սեպտեմբերի կեսին»,- «ՌԻԱ Նովոստի»-ին հայտնել է Մանժան:
2013 թվականի հոկտեմբերին Քարիմովայի դեմ քրեական գործ է հարուցվել շորթման եւ հարկերի վճարումից խուսափելու մեղադրանքներով, որոնք 2001-2013 թվականներին կատարվել են կազմակերպված հանցավոր խմբի կազմում: 2015 թվականի օգոստոսին դատարանը նրան 5 տարվա ազատազրկման է դատապարտել: 2016-ի սեպտեմբերին նախագահ Իսլամ Քարիմովի մահից հետո լրատվամիջոցներում տեղեկություններ են հրապարակվել, որ նրա դուստր Գյուլնարան սպանված է, սակայն այն չի հաստատվել: Ժնեւից փաստաբան Մանժան հայտարարել է, որ նրան 2016-ի դեկտեմբերին Տաշքենդում է տեսել: Նրա խոսքով՝ Քարիմովան առողջ էր, սակայն նրա պահման պայմանները չէին համապատասխանում միջազգային նորմերին:
Հուլիսի վերջին Ուզբեկստանի դատախազությունը հայտնել է, որ Քարիմովայի դեմ շարունակվում է մի քանի այլ մեղադրանքներով քրեական գործի քննությունը, նրա նկատմամբ ընտրվել է հսկողության տակ պահելու խափանման միջոց:
