Այսօր՝ օգոստոսի 26-ին, խոշոր ավտովթար է տեղի ունեցել Արմավիրի մարզում։ Ժամը 14։50-ի սահմաններում Ոսկեհատ գյուղի բնակիչ՝ 31-ամյա Հակոբ Հովհաննիսյանն իր վարած Mercedes E 320 մակնիշի 86 ՕQ 086 համարանիշի ավտոմեքենայով Էջմիածին-Մասիս-Ոսկեհատ գյուղի վարչական տարածքում դուրս է եկել ճանապարհի երթեւեկելի գոտուց, բախվել գազատար խողովակների հենասյուներին եւ մոտ 35 մետր գլխիվայր շրջվելով՝ հայտնվել դաշտում. Shamshyan.com-ի փոխանցմամբ, վթարի հետեւանքով վարորդը, ում առաջինը օգնության են հասել քաղաքացիները, մարմնական վնասվածքներով տեղափոխվել է Վաղարշապատի բժշկական կենտրոն։ Վաղարշապատի հիվանդանոցից NEWS.am-ին հայտնեցին, որ իրենց մոտ տեղափոխված տղամարդը մահացել է: