նախընտրելի դարձնելRenshin դեւելոփերական ընկերությունը մոտ 20 միլիոն դոլարի ներդրում է կատարում «DAVTASHEN HOUSE 2» նոր բնակելի համալիրի կառուցման աշխատանքներին, որը տեղակայված է լինելու Դավթաշենի կամրջի եւ Սրբոց Նահատակաց եկեղեցու հարեւանությամբ:
Սեպտեմբերի 12-ին տեղի ունեցավ կառուցվող շենքի հիմքում խորհրդանշական պարկուճի տեղադրման արարողությունը, որը եւ մեկնարկեց շինարարական աշխատանքները: Արարողությանը մասնակցում էին ընկերության բաժնետերեր Արայիկ Կարապետյանը եւ Էդուարդ Մարությանը:
Համալիրն աչքի է ընկնում իր ճարտարապետական հիանալի լուծումներով եւ ինքնատիպությամբ: Ինչպես նախկինում կառուցված համալիրներն, այն նույնպես առանձնանում է իր հետաքրքիր, դասական ճարտարապետությամբ ու անկրկնելի ոճով, հարմարավետ, լուսավոր եւ ժամանակակից բնակարաններով:
Ընկերությունը պատրաստվում է իր հաճախորդներին բնակարան գնելու համար առաջարկել նոր, հարմար վճարման պայմաններ մինչեւ 15 տարի վճարման ժամկետայնությամբ եւ «Եկամտային հարկի մասին» օրենքին համաձայն, վարկառուի հիփոթեքի սպասարկման տոկոսների հետ վերադարձ:
Renshin դեւելոփերական ընկերությունը հիմնադրվել է 2003 թվականին Արայիկ Կարապետյանի եւ Էդուարդ Մարությանի կողմից։ Հիմնադրումից մինչ օրս ընկերությունը անմիջական մասնակցություն է ունեցել երկրի անշարժ գույքի քաղաքակիրթ ու միջազգային չափանիշներին ձգտող շուկայի ձեւավորմանը, տնտեսության զարգացման ծրագրերին ու նրա ներդրումային գրավչության բարձրացմանը:
Տարիների ընթացքում ընկերությունը ձեռք է բերել իր ուրույն տեղն անշարժ գույքի շուկայում: Նոր եւ բարդ ծրագրերի նախաձեռնում եւ հետեւողական իրագործում, համաշխարհային տենդեցներին ու միջազգային չափանիշներին համապատասխան, ահա այն հիմնական սկզբունքները, որոնց շնորհիվ «Ռենշին» ՍՊԸ-ն իր գործունեության մոտ 12 տարիների ընթացքում հասավ բարձր հաջողությունների, ապահովելով անընդհատ զարգացում:
Հենց այս սկզբունքների շնորհիվ էլ հասարակության շրջանում իրականացրած հարցումների արդյունքում «Ռենշին» ընկերությունը ճանաչվել է 2014թ.-ի լավագույն կառուցապատող ընկերություն: Իսկ 2017թ․-ի օգոստոսի 11-ին քաղաքաշինության ոլորտում ներդրած նշանակալի ավանդի համար Կարեն Կարապետյանը ՀՀ վարչապետի հուշամեդալով է պարգեւատրել «Ռենշին» ընկերության հիմնադիրներ Արայիկ Կարապետյանին եւ Էդուարդ Մարությանին:
