նախընտրելի դարձնելՏանզանիայի իշխանությունները սպառնացել են փակել եկեղեցիները, հոգեւորականի կողմից նախագահ Ջոն Մագուֆուլին քննադատելուց հետո, հաղորդում է BBC-ն:
Զախարի Կակոբե հոգեւորականը ամանորյա քարոզի ժամանակ ասել է, որ երկիրը «վերածվում է միակուսակցական պետության»:
Մի քանի օր անց ՆԳՆ-ն զգուշացրեց կրոնական կազմակերպություններին, որ քաղաքականությանը միջամտելու դեպքում, նրանց լիցենզիաները հետ կկանչվեն:
Քննադատները բողոքում են Տանզանիայում այլախոհության դեմ աճող անհանդուժողականությունից: Ոմանք նախագահ Մագուֆուլին, որը բուլդոզեր մականունն է ստացել, մեղադրում են ավտորիտարիզմի մեջ, ինչը սակայն նա հերքում է:
Մի քանի թերթեր փակվել էին եւ մի քանի անձինք պատասխանատվության էին ենթարկվել սոցցանցերում իբրեւ թե նախագահին վիրավորելու համար: Անցյալ տարի երկրի ոստիկանությունն անորոշ ժամանակով դադարեցրել էր քաղաքական բողոքի ակցիաներն ու հանրահավաքները:
