նախընտրելի դարձնելՉինաստանը երկար տարիներ շարունակ օգտագործել է առեւտրի ոլորտում ԱՄՆ-ի թույլ քաղաքականությունը: Այս մասին նշվում է Կոնգրեսի լսումներում ԱՄՆ պետքարտուղարի պաշտոնի համար թեկնածու Մայք Պոմպեոյի ելույթի տեքստում, որը տարածել է Սպիտակ տունը, հաղորդում է ՏԱՍՍ-ը:
«Նույնիսկ այն ժամանակ, երբ Ամերիկան մեր դիվանագիտական հարաբերություններում վերականգնել է ուժային դիրքերը, Չինաստանը շարունակում է իր համաձայնեցված եւ համակարգված ջանքերը ԱՄՆ-ի հետ դիվանագիտական, ռազմական եւ տնտեսական պայմաններում մրցակցելու համար: Շատ տարիներ մտավոր սեփականության գողության եւ տեխնոլոգիաների հարկադիր փոխանցման շնորհիվ Չինաստանն օգտագործել է ԱՄՆ-ի թույլ առեւտրային քաղաքականությունը եւ օգտվել է մեր տնտեսության հարստությունից եւ գաղտնիքներից», - ապրիլի 12-ին Սենատի Արտաքին հարաբերությունների հանձնաժողովում իր թեկնածությունը հաստատելու վերաբերյալ լսումների ժամանակ ասել է նա:
Պոմպեոյի խոսքով՝ Պեկինը «շարունակում է իր սադրանքները Հարավչինական եւ Արեւելաչինական ծովերում, կիբերտարածքում եւ նույնիսկ տիեզերական տարածքում»:
