Քաբուլում անհայտ անձի կողմից սպանվել է ոստիկանության հատուկ նշանակության ուժերի հրամանատար Ազիզուլահ Քարվանը, հաղորդում է «ՌԻԱ Նովոստի»-ն՝ վկայակոչելով Tolo News հեռուստաալիքը:

Քարվանը գլխավորում էր ոստիկանության հատուկ նշանակության ուժերի 01 ստորաբաժանումը  Աֆղանստանի հարավ-արեւելքում գտնվող Պակտիկայի նահանգում:

Մարտին «Փաջվաք» գործակալության հետ հարցազրույցում Քարվանը հայտնել էր, որ իրավապահ մարմիններում 16 տարվա աշխատանքի ընթացքում 38 մահափորձ է վերապրել: