նախընտրելի դարձնելՃանապարհային երթեւեկության կազմակերպման բարելավման նպատակով 2018թ. հոկտեմբերի 10-ից Մ-5՝ Երեւան-Արմավիր-Թուրքիայի սահման միջպետական նշանակության ավտոճանապարհի (Իսակովի պողոտա) Թաիրով գյուղի հատվածում՝ դեպի «Զվարթնոց» օդանավակայանի բեռնային համալիր տանող տեղամասում, կկազմակերպվի լուսացույցային կարգավորմամբ խաչմերուկ:
Էջմիածին քաղաքի ուղղությամբ երթեւեկող տրանսպորտային միջոցները հնարավորություն կունենան նշված խաչմերուկում ձախ շրջադարձ կատարելով երթեւեկել դեպի բեռնային համալիր, իսկ Երեւան քաղաքի ուղղությամբ երթեւեկող տրանսպորտային միջոցները՝ կատարել հետադարձ, որի համար երկու ուղղությամբ էլ առկա են առանձնացված գոտիներ: Բեռնային համալիրի կողմից դուրս եկեղ տրանսպորտային միջոցները կարող են երթեւեկել եւ՛ աջ (դեպի Երեւան), եւ՛ ձախ (դեպի Էջմիածին) ուղղություններով:
