ՆախընտրելիԻտալիայի Ֆուսկալդո քաղաքում կոռուպցիայի մեղադրանքով կալանավորվել է 14 մարդ, այդ թվում քաղաքապետ Ջանֆրանկո Ռամունդոն, հաղորդում է ՌԲԿ-ն՝ վկայակոչելով ANSA-ին եւ Rai News-ին:
Կալանավորվածների թվում են եղել նաեւ քաղաքապետի տեղակալը, քաղաքապետարանի խորհրդականը, պետական ծառայողներ եւ անհատական ձեռնարկատերեր: 14 կալանավորվածներից 12-ը կալանքի տակ են, երկուսը՝ տնային կալանքի տակ, նշում է Quicosenza-ն: Ձերբակալման գործողությունում մասնակցել է ավելի քան 100 զինծառայող: Գործի շրջանակներում կասկածյալների մոտ գրանցվել է 215 հազար եվրոյի ակտիվ: Ընդհանուր առմամբ, քրեական գործերի մասնակից է դարձել 20 մարդ:
Նրանց մեղադրում են վարչական խախտումների, ճնշման գործադրման եւ պաշտոնեական լիազորությունների չարաշահման մեջ:
Գործի մասնակիցները կասկածվում են նաեւ յուրացման, հանրային աճուրդների անցկացման խախտումների եւ կապալառուների ընտրության ժամանակ նախնական պայմանավորվածության մեջ:
Quicosenza-ն նշում է, որ անօրինական գործողություններից վնասի չափը կազմում է 7.5 մլն եվրո:
