նախընտրելի դարձնել
ԱՄՆ նախագահ Դոնալդ Թրամփը առաջարկել է CNN մասնավոր ալիքին այլընտրանք ստեղծել արտասահմանում ամերիկյան նորությունները շահավետ լույսի ներքո լուսաբանելու համար, հաղորդում է «ՌԻԱ Նովոստին»:
«Թեեւ ԱՄՆ-ում CNN-ի գործերը այնքան էլ լավ չեն ընթանում, վարկանիշներից դատելով, ԱՄՆ-ից դուրս նրանք քիչ մրցակիցներ ունեն: Ամբողջ աշխարհում CNN-ը հզոր խոսափող է, որը ԱՄՆ-ին ներկայացնում է կեղծ, անազնիվ ձեւով: Պետք է ինչ-որ բան անել, այդ թվում, որ ԱՄՆ-ն սեփական գլոբալ հեռուստացանցը գործարկի, աշխարհին ցույց տալու համար, թե որքան մենք մեծ ենք » —Twitter-ում գրել է Թրամփը:
Նա չի ներկայացրել առաջարկի մանրամասները:
Թրամփը վաղուց է CNN-ի հետ վիճաբանում եւ այն կեղծ նորությունների ալիք անվանում:
ԱՄՆ-ում գոյություն ունի օտարերկրյա հեռարձակման պետական գործակալություն` «Ամերիկայի ձայնը» եւ «Ազատություն/Ազատ Եվրոպա» ռադիոն, որոնց Ռուսաստանի Դաշնության Արդարադատության նախարարությունը այլ լրատվամիջոցների հետ միասին ներառել է օտարերկրյա գործակալների ցանկում:
Կազմակերպությունը, որը 1994 թվականից կոչվում էր Հեռարձակման հարցերով կառավարման խորհուրդ (BBG), այս տարի վերանվանվել է Գլոբալ ԶԼՄ-ի ԱՄՆ-ի գործակալություն (USAGM): Գործակալությունը ամբողջությամբ ֆինանսավորվում է ԱՄՆ բյուջեից, 2017 թվականին նրա ծախսերը կազմել են 748 մլն դոլար:
