Առկա կանոնակարգի համաձայն՝ դեռեւս 2018 թվականի վերջին ստեղծվեց նախարարության կազմում վերջին անկախ կոմիտեն, որը երրորդ օղակն է բժշկական-սոցիալական հանձնաժողովի որոշումների քննարկման եւ վերլուծության հարցում։ Այս մասին մարտի 6-ին Ազգային ժողովում կառավարության հարցուպատասխանի ժամին ասել է Հայաստանի աշխատանքի եւ սոցիալական հարցերի նախարար Զարուհի Բաթոյանը՝ պատասխանելով «Իմ քայլը» դաշինքի պատգամավոր Նարեկ Մկրտչյանի հարցին, որն անդրադարձավ այն քաղաքացիների խնդրին, որոնց առողջությունը, այս կամ այն պատճառով, խափանվել է պարտադիր զինծառայություն անցնելու ժամանակ։

Պատգամավորը, մասնավորապես, նշեց, որ այս կարգի քաղաքացիներին հաշմանդամություն տալու ժամանակ ծագում է որոշակի սուբյեկտիվ մոտեցում։

Նախարար Բաթոյանն ի պատասխան նշեց, որ հաշմանդամության գնահատման համակարգը կարող է ենթարկվել փոփոխությունների։