Հայաստանի արագ զարգացման գլխավոր խոչընդոտը շրջափակումն է Թուրքիայի եւ Ադրբեջանի կողմից: Այդ մասին հայտարարել է Հայաստանի Ազգային Ժողովի փոխնախագահ Սամվել Բալասանյանը` մարտի 11-ին  Բելգիայի Անթվերպենի եւ ԱՄՆ-ի Մերիլենդի համալսարանների մի խումբ ուսանողների հետ հանդիպմանը:

Ոսւանողները խորհրդարան էին այցելել տնտեսագետ, Անտվերպենի համալսարանի այցելու պրոֆեսոր Թաթուլ Մանասարյանի ուղեկցությամբ: Հանդիպման ընթացքում  ԱԺ փոխնախագահը պատասխանել է Հայաստանի  տնտեսությանը, արտաքին  քաղաքականությանը վերաբերող  ուսանողների կողմից բարձրացված  տարատեսակ հարցերին:  Ուսանողներից մեկի այն հարցին, թե որն է Հայաստանի արագ զարգացման հիմնական խոչընդոտը, Սամվել Բալասանայնն ի թիվս այլ պատճառների, որպես գլխավոր խոչընդոտ  նշեց  Հայաստանի` Թուրքիայի եւ Ադրբեջանի կողմից  շրջափակված  լինելու  փաստը: