նախընտրելի դարձնել
Երեւանյան խճուղում, Gaminator խաղատան դիմաց այսօր` ապրիլի 11-ին, ժամը 00:10-ին տեղի է ունեցել ավտովթար:
Ինչպես NEWS.am-ին հայտնում է ֆոտոլրագրող Գագիկ Շամշյանը, 24-ամյա Հարություն Ալեքսանյանը, վարելով BMW մակնիշի 06 ԼԼ 068 համարանիշի ավտոմեքենան, բախվել է ուղեմասը բաժանող բետոնե միջնապատին, դուրս եկել հանդիպակաց ուղեմաս եւ շրջվել:
Վթարի հետեւանքով Հ. Ալեքսանյանը եւ ուղեւոր, 21-ամյա Հարություն Գրիգորյանը մարմնական վնասվածքներով տեղափոխվել են «Արմենիա» բժշկական կենտրոն:
Դեպքի վայր էին ժամանել Երեւանի ճանապարհային ոստիկանության աշխատակիցները: Քննչական աշխատանքները ղեկավարում էր ոստիկանության քննչական գլխավոր վարչության Երեւանի քննչական վարչության ճանապարհատրանսպորտային հանցագործությունների քննության բաժնի քննիչ Աշոտ Ասատուրյանը:
Լուսանկարները եւ տեսանյութը՝ Գագիկ Շամշյանի
