Նախընտրելի
Մոսկովյան իշխանություններն առաջին անգամ թույլ են տվել Ռուսաստանի մայրաքաղաքում գեյ-շքերթ անցկացնել: Այս մասին հայտնել է Ռուսաստանի համասեռամոլների համայնքի առաջնորդ Նիկոլայ Ալեքսեյեւը: Միջոցառումը նախատեսված է անցկացնել մայիսի 28-ին. այդ օրը պաշտոնապես նշվում է սահմանապահ զորքերի տոնը: ՄԻջոցառումը կրում է հետեւյալ անվանումը`«Զանգվածային մշակութային ծանուցողական ակցիա «Մոսկովյա գեյ-շքերթ. հոմոսեքսուալությունը` համաշխարհային մշակույթում եւ քաղաքակրթությունում»:
Գեյ-ակտիվիստի խոսքով, ակցիայի անցկացման իրազեկումը Մոսկվայի քաղաքային իշխանություններին է փոխանցվել ապրիլի 12-ին: Այն տեղի կունենա Բոլոտնայա հրապարակում, ակցիայի մասնակիցների թիվը կկազմի մինչեւ 500 մարդ, հայտնում է «Վեստին»:
Միաժամանակ աղբյուրը հայտնել է, որ տարածքային անվտանգության դեպարտամենտի ներկայացուցիչը նշել է, որ այդ կառույցը չի արտոնել ակցիան: «Որեւէ թույլտվություն նրանք չեն ստացել եւ հավանաբար չեն էլ ստանա: Եթե նույնիսկ իրենց ակցիան մատուցեն «մշակութային-ծանոցողական» սոուսի ներքո»:
