Լույս աշխարհ է եկել ապրիլյան պատերազմում զոհված ժամկետային զինծառայող, հետախույզ Աղասի Ասատրյանի եղբայրը։ Այս մասին ֆեյսբուքյան իր էջում գրառում է կատարել պաշտպանության նախարարի մամուլի խոսնակ Շուշան Ստեփանյանը։

«Հանուն կյանքի

Երեկ Էրեբունի բկ ծնվել է ապրիլյան պատերազմում զոհված ժամկետային զինծառայող, հետախույզ Աղասի Ասատրյանի եղբայրը` Աղասին: Ծննդկանն ու նորածինն իրենց լավ են զգում:

Առողջություն փոքրիկին եւ մայրիկին:

Շնորհավորում ենք ծնողներին, հարազատներին, բոլորիս»,- գրել է նա։