Թուրքիայի մայրաքաղաղաքում մայիսի 1–ի տոնակատարության ընթացքում բախումներ են տեղի ունեցել քրդական  «Խաղաղություն եւ ժողովրդավարություն» կուսակցության եւ Birlesik Kamu-is արհմիութենական կոնֆեդերացիայի անդամների միջեւ:

Թուրքական Milliyet-ի փոխանցմամբ՝ արհմիութենական կոնֆեդերացիայի մի խումբ աշխատակիցներ տոնակատարության հրապարակ մտնելու համար մոտեցել են ոստիկանության անցակետին, որի ընթացքում նրանց մուտքը դեպի հրապարակ փորձել են խոչընդոտել քրդական կուսակցության անդամները:  Ծագած վիճաբանությունից հետո արհմիութենական կոնֆեդերացիայի անդամները փախչել են, սակայն քրդական կուսակցության անդամները հասել են նրանց հետեւից եւ մահակներով ծեծել: Վիրավորված բազմաթիվ աշխատավորները տեղափոխվել են հիվանդանոց:

Ի տարբերություն Անկարայի, Ստամբուլի Թաքսիմի հրապարակում հարյուրհազարավոր աշխատավորների մասնակցությամբ տոնակատարությունը ավարտվել է առանց միջադեպերի: Թաքսիմի հրապարակում անվտանգության ապահովման համար ներկա են եղել մոտ 40 hազար ոստիկան: