Հնդկաստանում տղամարդը որոշել է իր հողը կտակել երկու փղերին, որոնցից մեկը, ինչպես ինքն է ասում, ժամանակին փրկել է իր կյանքը:

Ինչպես նշում է The Indian Times-ը՝ Մոթի եւ Ռանի անուններով փղերը ապրում են 50-ամյա Մոհամադ Աքթարի հետ Հնդկաստանի հյուսիսում գտնվող Բիհար նահանգում: Նա մտադիր է նրանց մոտ 6.25 ակր (2.5 հա) հող թողնել:

Ըստ նրա՝ որոշ ժամանակ առաջ Մոթին փղավարի հետ ուղեւորվել էր այլ քաղաք, սակայն փղավարը հիվանդացել էր, եւ Աքթարը եկել էր օգնության: Մի օր նա արթնացել էր Մոթիի ձայնից եւ պատուհանից զինված մարդու էր տեսել, ով հարձակվել էր իր վրա: Աքթարը հասցրել էր փախչել:

Ըստ ԶԼՄ-ների՝ նրա կինն ու երեխաներն այդքան էլ ուրախ չեն, որ իրենց կհասնի հողի միայն փոքր մասը եւ տունը: Ինքը՝ տղամարդը, ցավում է, որ հարազատները չեն հասկանում, թե ինչ են կենդանիները նշանակում իր համար, որոնք ծնվել են տնային փղերի մոտ, որոնք ապրել են ընտանիքներում: Աքթարն արձանագրում է, որ շուտով փղերին կարելի է տեսնել միայն գրքերում, փոխանցում է «Ինտերֆաքս»-ը:

Այժմ հնդկական (ասիական) փղին, որը նախկինում բնակվում էր ամբողջ Ասիայում, մարդը թողել է նախկին տարածքի միայն 15 տոկոսը: Ընդամենը 45 հազար այդպիսի փիղ է մնացել, որոնք այժմ ոչնչացման եզրին են: