նախընտրելի դարձնել
Գիտնականները չեն բացառում Երկրի պտույտի արագացման պատճառով տարվա տեւողությունը երբեմն մեկ վայրկյանով կրճատելու հնարավորությունը, քանի որ լուսային օրերը սկսել են առաջ անցնել ատոմային ժամերով չափվող համաշխարհային ժամանակից, «ՌԻԱ Նովոստի»-ին ասել են Համառուսական գիտահետազոտական ինստիտուտի Երկրի ռոտացիայի ժամանակի, հաճախության եւ պարամետրերի որոշման պետական ծառայություն գիտնականները։
«Վերջին տասնամյակներին «պտտվող» օրերը ավելի երկար էին, քան ատոմայինները: Այդ պատճառով անհրաժեշտ էր, որ միջինը մեկուկես տարին մեկ անգամ UTC (ունիվերսալ համակարգված ժամանակ) ժամանակային սանդղակին ավելացվեր լրացուցիչ վայրկյան: Սակայն վերջին չորս տարիներին UT1 օրվա տեւողությունը (Երկրի պտույտով որոշված ժամանակային սանդղակը) գրեթե հավասարվել է ատոմային օրվա տեւողությանը, եւ UTC ժամանակային սանդղակում լրացուցիչ վայրկյան մտցնելը չի պահանջվել: Եթե Երկրի պտույտի արագացումը շարունակվի նույն տեմպով, ապա կարող է պարզվել, որ վայրկյանը ոչ թե պետք է ավելացվի UTC սանդղակին, այլ հանվի»,- «ՌԻԱ Նովոստի»-ին ասել են ինստիտուտում:
Այսպես, գիտնականները մեկնաբանել են մի շարք լրատվամիջոցների տեղեկությունները, որ Երկրի պտույտի արագացման պատճառով 2020 թ. միանգամից գրանցվել են դիտումների պատմության մեջ 28 ամենաարագ օրերը (1960-ից), իսկ հուլիսի 19-ին օրը սովորականից կարճ է եղել՝ ռեկորդային 1,4 միլիվայրկյանով: Ակնկալվում է, որ գալիք տարին էլ ավելի կարճ կլինի:
1972 թվականից ի վեր տարբեր տարիներին համաշխարհային ժամանակին ավելացվել է ընդհանուր առմամբ 27 վայրկյան՝ լուսային ժամերին հասնելու համար: Առաջին անգամ «ցատկող» վայրկյանը ավելացվել է 1972-ի հուլիսի 1-ին, իսկ վերջին անգամ՝ 2016-ի դեկտեմբերի 31-ի լույս 2017-ի հունվարի 1-ի գիշերը:
