Սիրիայի նախագահ Բաշար Ասադը հունիսի 21-ին երկրում համատարած համաներում է հայտարարել:

Համաներումը տարածվում է մինչեւ 2011 թվականի հունիսի 20-ը գործած բոլոր հանցագործությունների վրա, նաեւ այն հանցագործությունների, որոնք կատարվել են վերջին երկու շաբաթներին կայացած բողոքի ակցիաների ժամանակ։

Նշենք, որ նախորդ համաներումը հայտարարվել էր մայիսի 31-ին։ Այն տարածվել էր նաեւ քաղբանտարկյալների վրա, հայտնում է «ՌԻԱ Նովոստին»։

Այս համաներումը երկրում առկա լարվածության թուլացմանն ուղղված սիրիական իշխանությունների հերթական քայլերից է: