նախընտրելի դարձնելՀԲԸՄ Եվրոպայի կառույցը մեկնաբանել է Եվրախորհրդարանի ԼՂ խնդրին վերաբերող բանաձեւը, որում մասնավորապես ասվում է.
"Եվրոպայի Խորհրդարանը վերահաստատեց իր պարտավորությունը` ավելի ներգրավվել Հարավային Կովկասի իրադարձություններին` ընդունելով մի նոր բանաձեւ Հարավային Կովկասի վերաբերյալ:
Բազմաթիվ դիտորդներ կարծում են, որ Լեռնային Ղարաբաղի հատվածում պատերազմի վերսկսման հավանականությունը գնալով մեծանում է, եւ բանաձեւի առաջարկները պետք է լայնորեն քննարկվեն: Ողջունում է նաեւ Եվրոպայի խորհրդարանի անդամների աջակցությունը Մինսկի խմբին: Խորհրդարանը կոչ է անում երկխոսություն հաստատել կողմերի միջեւ Եվրոպական միության միջոցներով: ԵԽ-ն հրավիրում է "բոլոր կողմերին՝ ավելի ներգրավվել բազմակողմանի համագործակցության մեջ «Արեւելյան գործընկերության» շրջանակներում՝ առանց մտածելու հակամարտությունների վերջնական լուծման մասին:
ԵԽ-ն նաեւ աջակցում է ԵՄ ներգրավումը ուղղակիորեն Լեռնային Ղարաբաղ, ներառյալ «օգնության եւ տեղեկատվության տարածում» բնակչությանը: ԵՄ-ն խուսափել է ներգրավվել ԼՂ-ում Ադրբեջանի հակադրության պատճառով եւ ոչ մի շփում չունի տվյալ տարածքի հետ:
Ըստ խորհրդարանի, ԵՄ պետք է օգնի զարգացնել «անհրաժեշտ անվտանգության երաշխիքներ անցումային ժամկետով» խաղաղ բանակցություններում հաջողության հասնելու համար: Խորհրդարանը նաեւ կոչ է անում երկու կողմերի համար բարենպաստ պայմաններ ստեղծել փախստականների վերադարձի եւ բռնի տեղահանվածների համար եւ ճանաչել իրենց իրավունքները, այդ թվում ` իրենց սեփականության իրավունքը:
Հետաքրքրական է նաեւ, որ Խորհրդարանը պետք է հարցներ «այն տեսակետը, որի համաձայն Լեռնային Ղարաբաղը պետք է ազատի Ադրբեջանի գրավված տարածքները»: ՀԲԸՄ ընդգծում է, որ Ղարաբաղը նման տեսակետ չունի, այնպես ինչպես Հայաստանը: Տարածքները անցել են Ղարաբաղի վերահսկման տակ պատերազմի արդյունքում եւ առանցքային դեր են խաղում բանակցություններում:
ՀԲԸՄ Եվրոպայի կառույցը աշխատում է ստիպել ԵՄ-ին՝ մարդասիրական օգնություն ցուցաբերել Լեռնային Ղարաբաղին եւ ստեղծել վստահության միջոցներ Ղարաբաղի եւ Ադրբեջանի միջեւ: ՀԲԸՄ Եվրոպան նաեւ ԵՄ-ին կոչ է անում՝ թույլատրել իր պաշտոնատարներին մեկնել Ղարաբաղ:
Լեռնային Ղարաբաղը արդյունավետորեն անկախ է եղել՝ Ադրբեջանի դեմ պատերազմում 1994 թ. հաղթելուց ի վեր։ Բայց կա իրական վտանգ, որ պատերազմը կարող է վերսկսվել: Ղարաբաղը մեկուսացված է աշխարհի աշխարհագրությունից եւ քաղաքականությունից, եւ կարող է հուսալ միայն Հայաստանի օգնության մասին:
ԵՄ-ն չի զբաղվում հրադադարը վերահսկելով, չի անում զարգացման կամ մարդասիրական ոչ մի ծրագիր, եւ չի հովանավորում Ղարաբաղի եւ Ադրբեջանի բնակիչների միջեւ շփումները: Հայաստանին եւ Ղարաբաղի դեմ ուղղված Ադրբեջանի բոյկոտի քաղաքականությունը դատապարտելու փոխարեն՝ Եվրոպական Միությունը մեծ մասամբ հետեւում է Բաքվի ցանկություններին: Ղարաբաղը միակ տարածքն է, ուր ԵՄ հանձնակատար Փիթեր Սեմնեբին երբեք չի այցելել: Նա այն կոչել է Եվրոպայի քարտեզի «Սպիտակ կետ», ասված է ՀԲԸՄ Եվրոպայի կառույցի մեկնաբանության մեջ:
