նախընտրելի դարձնելԵրեւանի քաղաքապետ Կարեն Կարապետյանն այսօր` օգոստոսի 5-ին ընդունել է օգոստոսի 13 -21-ին կայանալիք 5-րդ համահայկական խաղերի Երեւան քաղաքի մարզական պատվիրակության անդամներին եւ բացման շքերթը գլխավորող 10 հանրաճանաչ մարզիկներին:
Քաղաքապետարանի մամուլի ծառայությունից NEWS.am-ին հայտնում են, որ Կ. Կարապետյանը հույս է հայտնել, որ երեւանցի մարզիկներն այս մարզական ստուգատեսում հերթական անգամ աչքի կընկնեն լավ արդյունքներով եւ հատկանշել, որ քաղաքապետարանը մեծ ուշադրություն է դարձնում սպորտի մասսայականացմանը, քանի որ բացի առողջ ապրելակերպ քարոզելուց, Երեւանում անցկացվող մարզական միջոցառումները խթան կհանդիսանան նաեւ մայրաքաղաքն ավելի ճանաչելի դարձնելու առումով:
10 մարզաձեւերի 12 հավաքական թիմերի մարզիչները ներկայացրել են թիմերի պատրաստվածության վիճակը, նշել, որ քաղաքապետարանի աջակցությամբ կազմակերպվել են ուսումնամարզական հավաքներ, ապահովված են մարզական հանդերձանքով եւ պատրաստ են համահայկական 5-րդ խաղերում պայքարել բարձր տեղերի համար:
Հավաքական թիմերի մարզիչների բարձրացրած խնդիրներից մի քանիսը տեղում լուծում են ստացել, առանձին հարցերի շուրջ տրվել են հանձնարարականներ: Քաղաքապետը կարեւորել է հանգամանքը, որ թիմերի համալրման ու ֆինանսավորման հարցում բացի քաղաքաքապետարանի աջակցությունից անհրաժեշտ է փոխշահավետ առաջարկների տեսքով ներգրավել նաեւ բիզնես ոլորտը:
Երեւանի քաղաքապետը նշել է, որ անձամբ հետեւելու է համահայկական 5 րդ խաղերի ընթացքին եւ մարզիկների հետ կհանդիպի արդեն մարզահրապարակներում:
