նախընտրելի դարձնել
Ռուսաստանցի գործարար Միխայիլ Ֆրիդմանի որդին՝ Ալեքսանդր Օժելսկին, խնդրել է Ուկրաինային չեղարկել իր դեմ պատժամիջոցները, գրում է РБК-ը։
Երիտասարդը հայտարարել է, որ Ուկրաինայում հատուկ ռազմական գործողության մեկնարկից հետո լքել է Ռուսաստանը եւ ներկայումս ապրում է Դուբայում՝ վարձակալած բնակարանում։
«Ես չեմ կարող հավատալ, որ այս պատժամիջոցների միակ պատճառը իմ կապն է այլ անձի հետ»,-ասել է 22-ամյա Օժելսկին:
Նա նաեւ նշել է, որ «արժանի չէ այդ պատժամիջոցներին»։
«Ես ինձ ուկրաինացի եմ համարում»,-հավելել է գործարարի որդին։
Փետրվարին Եվրամիությունը պատժամիջոցների ցուցակում ներառել է ռուս պաշտոնյաների, գործարարների եւ լրագրողների, ցուցակում ներառվել են նաեւ Ֆրիդմանի եւ Ավենի անունները։ «Սեւ ցուցակում» հայտնվելուց հետո Միխայիլ Ֆրիդմանը, ինչպես եւ իր գործընկեր Պյոտր Ավենը, դուրս է եկել Ալֆա-Բանկի տնօրենների խորհրդից։
