նախընտրելի դարձնել
Ավստրալիան չի կարող բացառել էներգակիրների գների սահմանափակումը, քանի որ էներգակիրների գների սահմանափակումը կապված է վառելիքի գների աճի հետ։ Այս մասին ասել է էներգետիկայի նախարար Քրիս Բոուենը, տեղեկացրել է Reuters-ը։
«Մենք համաձայն ենք, որ ամեն բան պետք է սեղանին լինի»,- Մելբուռնում լրագրողներին ասել է Բոուենը դաշնային նախարարների եւ նահանգների էներգետիկայի նախարարների հետ հանդիպումից հետո։ «Մենք պարտավորվել ենք դիտարկել ավելի վճռական գործողությունների եւ ավելի խիստ կարգավորման բոլոր տարբերակները»։
Բոուենը ժամկետ չի նշել որեւէ որոշման համար, բացի նրանից, որ տարբերակները կդիտարկվեն «օպերատիվ, շրջահայաց կերպով եւ մեթոդաբար»։
Վիկտորիայի էներգետիկայի նախարար Լիլի Դ’Ամբրոզիոն հայտարարել է, որ սպառողները եւ ձեռնարկությունները տառապում են «գազ արտադրողների շահարկումների» պատճառով։ «Դա պետք է դադարեցվի»,- ասել է նա լրագրողներին։
Նա նշել է, որ, Վիկտորիայի կառավարության կարծիքով, անհրաժեշտ է կոշտ կարգավորում, ներառյալ գազի մեծածախ գների սահմանափակումը, որը, նրա խոսքով, պետք է արվի ազգային մակարդակով։
