Հերթական «Ազատության նավատորմը» ծրագրում է ճեղքել Գազայի հատվածի շրջափակումը։

«Ազատության նավատորմի» կոալիցիայի տվյաներով՝ կոալիցիայի անդամների հանդիպումը հովանավորել է Մեծ Բրիտանիայում Պաղեստինյան ֆորումը, որին մասնակցել են միջազգային կոալիցիայի ներկայացուցիչներ Եվրոպայի բազմաթիվ երկրներից, Նոր Զելանդիայից, Մալայզիայից, Թուրքիայից, Կանադայից, ԱՄՆ-ից եւ Հարավային Աֆրիկայից ։ Ներկա է եղել նաեւ Գազայի շրջափակման վերացման միջազգային կոմիտեն։

«Նախկինի պես մեր նպատակն է մարդու լիարժեք իրավունքների պահպանումը բոլոր պաղեստինցիների համար»,-իր պաշտոնական կայքում գրել է կոալիցիան։

Տասը տարում Գազա է ուղարկվել 16 նավատորմ, իսկ 2008 թվականին ուղարկված միայն ութ նավատորմ  հասել Է Գազայի հատված։ Իսրայելը սկսել է արգելափակել նավատորմի ժամանումը 2009 թվականին։

2010 թվականի մայիսին  բազմաթիվ նախազգուշացումներից հետո Ցախալի ռազմածովային ուժերը որսացել են  վեց նավատորմ, որոնք գնում էին Գազա։  

Ինչպես պնդում է JPost-ը, նավատորմերից մեկի՝ Մավի Մարմարայի անդամները զենքի կիրառմամբ հարձակվել են ՑԱԽԱԼԻ վրա։ Հարձակման հետեւանքով զոհվել են 9, վիրավորվել տասնյակ անդամներ։ Հարձակման ժամանակ վիրավորվել է նաեւ յոթ իսրայելցի զինվոր։ Այս միջադեպը լուրջ լարվածության պատճառ է դարձել Թուրքիայի եւ Իսրայելի հարաբերություններում՝ կապված ութ թուրք քաղաքացիների մահվան հետ ։

Անկարան պնդում է, որ իսրայելական հատուկ ջոկատայինները հարձակվել են թուրքական Մավի Մարմարա նավի վրա, որը Գազայի ափեր էր ուղեւորվում Ազատության նավատորմի կազմում։