նախընտրելի դարձնել
Զենքի գնման առումով Հայաստանը ժամանակին գործել է շատ թափանցիկ, եւ դա վնաս է հասցրել երկրի պետական շահերին։ Այս մասին մայիսի 4-ին Ազգային ժողովում ավանդական ճեպազրույցներում հայտարարեց իշխող «Քաղաքացիական պայմանագիր» խմբակցության պատգամավոր Վահագն Ալեքսանյանը՝ պատասխանելով հարցին, թե կա՞ն արդյոք խոչընդոտներ Հնդկաստանից զենք ձեռք բերելու հետ կապված։
Բանն այն է, որ նախկին պատգամավոր Գայանե Աբրահամյանն ավելի վաղ ասել էր, որ Ռուսաստանը խոչընդոտում է Հայաստանի կողմից հնդկական զենք գնելու գործընթացին։ Ալեքսանյանը շտապեց հայտարարել, որ ծանոթ չէ նախկին գործընկերոջ հայտարարություններին. «Ես չգիտեմ, թե ինչի մասին է խոսքը։ Ես նման բան չեմ լսել։ Բայց ընդհանրապես, մենք աշխատում ենք չխոսել ոչ մատակարարումների, ոչ փոխադրման եղանակների, ոչ էլ այլ բաների մասին։ Թույլ տվեք չքննարկել Հնդկաստանից զենք գնելու հարցը եւ մնացած ամեն ինչ, որ կապված է այս թեմայի հետ»,- ասաց պատգամավորը։
Ճշտող հարցին՝ արդյոք զենքի գնման հարցում Ռուսաստանի Դաշնությունը խոչընդոտո՞ւմ է, իշխող կուսակցությունից պատգամավորը ոչ բացասական, ոչ դրական պատասխանեց. Նա պարզապես ասաց, որ ավելացնելու ոչինչ չունի:
