Թայլանդում կիրակի, տեղական ժամանակով  առավոտյան ժամը 8-ից  մեկնարկել են խորհրդարանական ընտրությունները, տեղեկացնում է Al Jazeera-ն։

Նշվում է, որ քվեարկությունն ավարտվելու է տեղական ժամանակով 17։00-ին։

Շուրջ 52 մլն մարդ  ընտրում է Ներկայացուցիչների պալատի անդամների, որը բաղկացած է 500 տեղից՝ հետագա 4 տարվա համար։

Հասարակական կարծիքի հարցումները ցույց են տալիս, որ «Փխեու Թայ» ընդդիմադիր կուսակցությունը, որ կապված է միլիարդատեր Տակսին Չինավատի հետ, կստանա տեղերի մեծամասնությունը, ինչպես 2001-ից եղած բոլոր ընտրություններում, իսկ «Շարժում դեպի առաջ» երիտասարդական կուսակցությունը հնարավորություն ունի զբաղեցնելու երկրորդ տեղը։

Ինչ վերաբերում է պահպանողականներին, ապա երկրի վարչապետ Պրայուտ Չան-Օչան խիստ հետ է մնում հասարակական կարծիքի հարցումներով, սակայն պայքարում է մնալու համար։

Զինվորականները, որոնք Թայլանդում կանոնավորապես միջամտում են  քաղաքականությանը, պնդում են, որ այս անգամ չեն խառնվելու։