Մենք դուրս ենք եկել մի պայքարի, որի շուրջը մեր տղաները գնացին, նաեւ գիտակցաբար են գնացել՝  դա հայրենիքն  է, պետությունը եւ ընտանիքը: Այս մասին լրագրողների հետ զրուցում ասաց զոհվածի հայր Արա Ռոստոմյանը, որը գիշերել է կառավարության շենքի մոտ:
«Բազմիցս մենք ներկայացրել ենք, որ կորցրել ենք մեր ամենաթանկը, պայքարում ենք, որ նոր զոհեր չունենանք, եւ թող յուրաքանչյուր ծնող առաջինը իր զավակի մասին մտածի: Մենք դուրս ենք եկել մի պայքարի, որի շուրջը մեր տղաները գնացին, նաեւ գիտակցաբար են գնացել՝  դա հայրենիքն  է, պետությունը եւ ընտանիքը, իրենք այս գաղափարով ենք գնացել, մենք էլ իրենց գործը շարունակում ենք, որպեսզի չկորցնենք հայրենիքը, վերականգնենք պետությունը: Ես կարծում եմ պետություն չկա, ուղղակի տարածք է մնացել եւ փորձում ենք այս տարածքը վերածել պետության: Ամեն ինչ անելու ենք, որ մեր տղաների կիսատ թողած գործը շարունակենք, որովհետեւ իրենք էլ չեն կարող»,-ասաց նա:
Արա Ռոստոմյանը նշեց, որ ունենք քայլերի պլան, որն ավելի ուշ կհրապարակեն:
«Գայանեին խնդրեցինք, որ  հետ կանգնի հացադուլից, նա էլ հորորեց մեզ, որ պայքարից հետ չկանգնենք»,-ասաց նա:
Հիշեցնենք, որ 44-օրյա պատերազմում զոհված Ժորա Մարտիրոսյանի մայրը՝ Գայանե Հակոբյանը կալանավորվել է մեկ ամսով: Այս պահին նրա աջակիցները բողոքի ակցիա են անցկացնում՝ պահանջելով անհապաղ ազատ արձակել զոհվածի մորը: