Ամերիկյան Վաշինգտոն նահանգում երաժշտական փառատոնի անցկացման վայրի մոտ զանգվածային հրաձգության հետևանքով շաբաթ երեկոյան առնվազն երկու մարդ է զոհվել, ևս երեքը վիրավոր է, տեղեկացնում է  NBC News-ը։

Կասկածյալը ինչ-որ պահի  սկսել է կրակելվրանային ճամբարում հավաքված բազմության վրա, որը գտնվում էր Կիրճի ամֆիթատրոնի հարևանությամբ, որտեղ տեղի էր ունենում Beyond Wonderland էլեկտրոնային պարային երաժշտության փառատոնը, մամուլի ասուլիսում  հայտնել է ոստիկանության խոսնակ Քայլ Ֆորմանը։

Նա ասել է, որ դեպքի վայր իրավապահ մարմինների հասնելուց հետո «նա շարունակել է անկանոն կրակել բազմության վրա, և կասկածյալը, ի վերջո, ձերբակալվել է»։

Ֆորմանը հայտնել է, որ երկու մարդ զոհվել է, ևս երեքը վիրավոր են՝ ներառյալ կասկածյալը։