նախընտրելի դարձնել
Մադրիդի իշխանությունները որոշել են երկարացնել մշակութային տեսարժան վայրերի գիշերային լուսավորությունը՝ զբոսաշրջիկներին գրավելու համար, հաղորդում է իսպանական ABC թերթը։
Խոսքը, ըստ նրա, հիմնականում այնպիսի մշակութային ժառանգության օբյեկտների մասին է, ինչպիսիք են Թագավորական պալատը, Պրադոյի ազգային թանգարանը, Կամպո դել Մորո այգին, Ռեյնա Սոֆիայի արվեստի կենտրոնը, Ազգային հնագիտական թանգարանը, թագավորական հավաքածուի պատկերասրահը և Ալմուդենա տաճարը:
Ինքնավար համայնքի իշխանությունների որոշումը կապված է ամառային սեզոնին զբոսաշրջիկներին մայրաքաղաք գրավելու, նրանց ուշադրությունը Իսպանիայի «մշակութային և գեղարվեստական հարստության» մաս կազմող շենքերի և թանգարանների վրա հրավիրելու ցանկության հետ։ Նրանց կարծիքով՝ «օտարերկրյա քաղաքացիները պետք է հնարավորինս լավ պայմաններում տեսնեն մշակութային գրավչությունները», չնայած էլեկտրաէներգիայի խնայողության մեկ տարի առաջ ձեռնարկված միջոցառումներին։
Սահմանափակումները ազդել են նաև մշակութային վայրերի, ցուցափեղկերի և հասարակական շենքերի դեկորատիվ լուսավորության վրա։ Մայիսին Թագավորության էկոլոգիական անցման և ժողովրդագրական մարտահրավերների նախարարությունը հայտնել էր, որ էլեկտրաէներգիայի արժեքը Իսպանիայում դարձել է երկրորդ ամենաթանկը Եվրոպայում՝ վերականգնվող էներգիայի աղբյուրների բացակայության պատճառով: Մեկ ՄՎտժ-ի միջին օրական արժեքը կազմել է 95,8 եվրո:
