նախընտրելի դարձնել
Պակիստանի նախկին վարչապետ Իմրան Խանը երեքշաբթի օրը բարձրագույն դատարանում վիճարկել է կաշառակերության վերաբերյալ իր դատավճիռը, հայտնել է նրա փաստաբան Նաիմ Փանջուտան, հայտնում է Reuters-ը։
Փանջուտան հայտնել է, որ շաբաթավերջին կայացած դատավճիռը վիճարկելու միջնորդություն է ներկայացվել Իսլամաբադի բարձրագույն դատարան:
Խանը երեք տարով ազատազրկվել է 2018-ից 2022 թվականներին վարչապետի պաշտոնում իր պաշտոնավարման ընթացքում ապօրինի կերպով պետական նվերներ վաճառելու մեղադրանքով:
Սահմանված կարգի համաձայն՝ դատարանը պետք է ընդունի միջնորդությունը, այնուհետև այն նշանակի լսման՝ Խանի փաստաբանի կողմից դատվածությունը բեկանելու հիմքով պաշտոնական վարույթ սկսելու համար։
70-ամյա Խանը հայտնվել է քաղաքական իրարանցման կենտրոնում, երբ նա պաշտոնանկ արվեց վարչապետի պաշտոնից՝ անցյալ տարի անվստահության քվեով, ինչը երկրի կայունության հետ կապված մտահոգություն առաջացրեց:
Շաբաթ օրը ոստիկանությունը Խանին տարել է Լահոր քաղաքի իր տնից և տեղափոխել մայրաքաղաք Իսլամաբադի մոտ գտնվող Աթոք շրջանի բանտ:
