նախընտրելի դարձնել
Գերմանական Mercedes և Volkswagen ավտոարտադրողները պատրաստվում են խզել կապերը ռուս դիլերների հետ և դադարեցնել նրանց լիցենզավորված ծրագրային ապահովումը։ Սկզբում՝ Ուկրաինա Ռուսաստանի ներխուժումից հետո, այս ընկերությունները դադարեցրին նոր մեքենաների մատակարարումը Ռուսաստանի Դաշնություն, բայց շարունակեցին սպասարկել արդեն վաճառվածները։
Ըստ BILD-ի՝ այժմ խոսքը ռուս դիլերների համար առցանց սպասարկման համակարգ մուտքի արգելափակման մասին է։ Նույն քայլերն է արել BMW-ն։
Ռուսաստանից ժամանած մեքենաների սեփականատերերի համար դա նշանակում է, որ իրենց մեքենաների սպասարկման ժամկետները լրջորեն կբարձրանան։ Եթե Mercedes-ն արդեն կայացրել է այս որոշումը, ապա Volkswagen-ը խոստանում է հետեւել օրինակին մինչեւ տարեվերջ։ Մայիսին կոնցեռնն արդեն 125 միլիոն եվրոյով վաճառել է իր արտադրամասը Կալուգայում Арт-финанс-ին՝ 125 մլն եվրոյով. գինը շուկայականից շատ ավելի ցածր էր: Այս գործարքի արդյունքում ռուսաստանցիների համար արդեն փակվել է Volkswagen-ի որոշ ՏՏ համակարգերի մուտքը, Berliner Zeitung թերթին ասել է ընկերության ներկայացուցիչը։
Ռուս դիլերներից մեկի ներկայացուցիչն ասել է, որ իրենք հետագայում կօգտագործեն երրորդ կողմի ծրագրեր՝ սահմանափակումները շրջանցելու համար։ Թե կոնկրետ ինչպես դա կազդի վարորդների և ուղևորների անվտանգության վրա, դեռ պարզ չէ։
