Զիմբաբվեում մեկնարկել են նախագահական, խորհրդարանական եւ տեղական ընտրությունները, հաղորդում է SABC ռադիոկայանը:

Իշխանությունները վախենում են ընդդիմության արմատական տրամադրված ակտիվիստների կողմից հնարավոր սադրանքներից։

Զիմբաբվեի նախագահի պաշտոնի համար պայքարում է 11 թեկնածու, որոնց թվում է գործող նախագահ Էմերսոն Մնանգագվան:

Եթե նախագահական ընտրությունների առաջին փուլում թեկնածուներից ոչ մեկը չհավաքի 50 տոկոս գումարած մեկ ձայն, ապա երկրորդ փուլը կկայանա հոկտեմբերի 2-ին:

Խորհրդարանական ընտրությունների ընթացքում երկու պալատներն էլ վերընտրվում են: Իշխող «Զիմբաբվեի աֆրիկյան ազգային միություն՝ Հայրենասիրական ճակատ» կուսակցությունը, որի առաջնորդը Մնանգագվան է, նպատակ ունի պահպանել խորհրդարանական մեծամասնությունը։