նախընտրելի դարձնել
Զիմբաբվեի գործող նախագահ Էմերսոն Մնանգագվան ճանաչվել է երկրի նախագահական ընտրությունների հաղթող՝ շաբաթ օրը կայացած նախագահական լարված պայքարում հաղթելուց հետո, հաղորդում է CNN-ը։
«Զիմբաբվեի ընտրական հանձնաժողովը հրապարակել է 2023 թվականի նախագահական ընտրությունների արդյունքները։ Նորին Գերազանցություն նախագահ Էմերսոն Մնանգագվան ճանաչվել է հաղթող՝ 2,350,711 ձայնով, որը ներկայացնում է ձայների 52,6%-ը, նրան հաջորդում է Նելսոն Չամիսան՝ հանուն փոփոխությունների քաղաքացիական կոալիցիայից (CCC)՝ 1,906,734 ձայնով, որը կազմում է ձայների 44%-ը, Թվիթերում տեղեկացրել է Զիմբաբվեի տեղեկատվության նախարարությունը:
80-ամյա առաջնորդի հաղթանակը երկարացնում է «Zanu-PF»-ի տասնամյա իշխանությունը Զիմբաբվեի քաղաքականությունում, որը երկրում գերիշխող կուսակցությունն է 1980 թվականին Բրիտանիայից անկախանալուց ի վեր:
45-ամյա Չամիսան լավատեսորեն էր տրամադրված հաղթանակին և այժմ մերժել է ընտրական մարմնի հայտարարած արդյունքները։ Դեռ հայտնի չէ՝ արդյո՞ք, նա դատական հայց կներկայացնի։
Ավելի վաղ նրա կուսակցությունը դատապարտել է քվեարտուփերի ուշ տեղադրումը, ինչը հանգեցրել է քվեարկության զանգվածային ձգձգումների, նա բարձրաձայնել է նաև քվեարկության գործընթացում ենթադրյալ որոշ խախտումների մասին։
Չորեքշաբթի օրը հրապարակված հայտարարության մեջ CCC-ը հայտարարել է, որ իր որոշ թեկնածուների անուններ հեռացվել են քվեաթերթիկներից, որոնք, ըստ նրա, որոշ դեպքերում տպագրվել էին CCC ցուցակներում իշխող կուսակցության թեկնածուների լուսանկարների կողքին:
