Կառավարության շենքի մոտ ոստիկանների կիրառած բիրտ ուժի հետեւանքով վնասվածք է ստացել «Հայաստան» դաշինքի պատգամավոր Գեղամ Մանուկյանը:

Գեղամ Մանուկյանին բուժօգնություն են ցուցաբերում։ Նրան տեղափոխել են հիվանդանոց։

Նշենք, որ կառավարության մոտ իրավիճակը շարունակում է մնալ լարված, ոստիկանները շարունակում են բերման ենթարկել քաղաքացիներին:

Նշենք, որ Կառավարության մոտ հավաքված քաղաքացիները պահանջում են Նիկոլ Փաշինյանի հրաժարականը: Տարածքում մեծաքանակ ոստիկանական ուժեր են կուտակված։ Ոստիկանները վահաններով զինված մի քանի շարքով պատ  են կազմել կառավարության շենքի մուտքի դիմաց։

Հիշեցնենք, որ այսօր՝ 13:00-ից ադրբեջանական կողմը լայնածավալ հարձակման է անցել Արցախի դեմ: Կան մի քանի տասնյակ զոհեր եւ վիրավորներ: Ստեփանակերտում պարբերաբար միանում է օդային տագնապի ազդանշանը:

Լուսանկարը՝ Սպուտնիկի